Әділет
министрі Марат Бекетаев өз кабинетін БАҚ өкілдеріне босатып берді. Жаңадан
ашылған баспасөз орталығында талқыға түсетін заң жобалары жалпы жұртқа жария
болмақ. Бұл қабылданып жатқан заңнамалар халыққа барынша ашықтық қалпын
сақтап, түсінікті болуы үшін жасалып отырған қадам.
Марат
Бекетаев, ҚР Әділет министрі:
Осы
залдан сіздер ведомствоаралық комисия жұмысын көресіздер. Мұнан соң біздің
баяндамашылар сіздердің сұрақтарыңызға жауап беретін болады.
Заң
жобалау қызметінің мәселелері жөніндегі ведомствоаралық комиссия 6 бірдей заң
жобасының концепциясына тоқталды. Бүгінде қаржылық институты құрылып келе
жатқан Қазақстанның алып қаржы қорларына мүшелікке өту турасындағы заң жобасы
бірауыздан мақұлданған. Бұл Қазақстанға не береді деген сауалды ұлттық
экономика вице-министріне қойған едік.
Марат
Құсайынов, ҚР Ұлттық экономика министрінің бірінші орынбасары:
Қазақстанға
ма? Мына жалпы осы банктерден льготтық қаржы келеді ғой. Банк енді ашылды, жұмыс
жасалып жатыр. Жұмыс енді басталып жатыр. Осы банк арқылы Қазақстанның
инфраструктуралық жолдарына қаржы тартқымыз келіп отыр.