Ақтауда су жинау арнасынан 21 жастағы қыз өлі табылды, - деп хабарлайды Massaget.kz тілшісі inAktau.kz-ке сілтеме жасап.
Полиция қылмыстық іс қозғады. Маңғыстау облысының Полиция департаменті мәліметінше, 2 шілдеде сағат 08:00 шамасында 102-ге су жинау арнасында, көпір маңында адам мәйіті жатқаны туралы хабарлама түскен.
"Жедел-тергеу тобы хабарға байланысты шықты. 21 жастағы қыздың денесі зорлықпен өлім белгілерінсіз табылды", - делінген ведомство хабарламасында.
Бұл дерек ҚР Қылмыстық кодексінің 105-бабы бойынша Ақтау қаласы Полиция басқармасында тіркелді.