Алматыда полицейлер қоғамдық орындарда рейд жүргізіп жатыр.
5-22 қыркүйек аралығында қоғамдық орындарды ластаудың 234 дерегі анықталды. 103 жағдайда түкірген азаматтарға айыппұл салынды.
Осы деректер бойынша құқық бұзушылар ҚР Әкімшілік құқық бұзушылық туралы кодексінің 434-2-бабына сәйкес, әкімшілік жауапкершілікке тартылды. Айыппұл сомасы 1 млн 770 мың теңге болды.
Жалпы жыл басынан бері қоғамдық орындарды ластағаны үшін жалпы сомасы 84 млн 559 мың 500 теңгеге 4 902 адам әкімшілік жауапкершілікке тартылды.