Көпшілікке Бүркіт лақап есімімен танымал әнші Айбек Жансейітов биыл отау құрғанына 13 жыл толғанын айтты. Өнер иесі Instagram парақшасында жұбайы Аишаға қол жеткізу үшін екі жыл жүргенін жеткізді, деп жазады KAZ.NUR.KZ.
"Күн нұрындай жарқырап жүре берші, жаным менің. Саған қол жеткізу үшін екі жыл бекер жүгірмедім", - деп жазды Бүркіт.
Ал желі қолданушылары Аишаның сұлулығына тамсанып, түрлі пікір қалдырды. "Керемет", "Өте әдемі", "Өте жағымды келіншек", "Бақытты болыңыздар", - деп жазды желідегілер.
Сонымен қатар Бүркіт Аишаның отау құрғанына биыл 13 жылдың жүзі болғанын айтты.
"Үйленгенімізге биыл 13 жыл толыпты", - деп жазды Бүркіт. Айта кетейік, жұлдызды жұп бүгінде екі ұл мен бір қыз тәрбиелеп отыр.
Естеріңізге сала кетейік, әнші Бүркіт жақында сексеннен асқан ата-анасын Алматыға, өз қолына көшіріп алған болатын.