А. Ғиният пен Pfizer өңірлік президенті фармацевтикалық өндірісті орналастыру мәселелерін талқылады.
Pfizer жақын арада біздің елімізде Кавказ, Орталық Азия және Моңғолия елдерін қамтитын жаңа өңірлік офис ашады. Бұл туралы Денсаулық сақтау министрі Ажар Ғиният мәлімдеді, деп хабарлайды Inbusiness.kz сайты.
Денсаулық сақтау министрі Ажар Ғиният Pfizer компаниясының өкілдерімен Prevenar 20 вакцинасын келісімшарттық өндіру жөніндегі жобаны іске асыру бойынша ынтымақтастық шеңберінде кездесу өткізді.
"Сіздің компанияңыз Қазақстанда заманауи дәрілік препараттарды келісімшарттық өндіру бойынша іске асырып жатқан жоба Қазақстанды фармацевтикалық өндірістің әлемдік көшбасшыларымен табысты ынтымақтастыққа дайын ел ретінде көрсетеді", - деді компанияның өңірлік президентіне А.Ғиният.
Министр сондай-ақ, 2010 жылы Қазақстан Ұлттық егу күнтізбесіне пневмококк инфекциясына қарсы вакцинациялау енгізілген ТМД-ның бірінші елі болғанын атап өтті.
"Prevenar 13 қолдану жылдарында біздің елімізде балалардағы пневмония ауруының 50%-ға төмендеуі және балалардағы пневмонияның асқынуынан болатын өлімнің 20%-ға төмендеуі байқалды. Prevenar 20 келісімшарттық өндірісін орналастыру біздің балаларымызды иммундауға ықпал етеді деп үміттенеміз", - деп атап өтті Денсаулық сақтау министрлігінің басшысы.
Тараптар заңнамалық деңгейдегі өзгерістер, тұтастай алғанда жобаны іске асыруға дайындық, ғылыми-білім беру жобаларында ынтымақтастыққа дайындық бөлігінде ілгерілеушілікті атап өтті, бұл министрдің айтуынша, Pfizer-дің Қазақстанда болуын күшейтуге мүмкіндік береді және фармацевтика саласының жаңа ғылыми-кәсіби кадрларының дамуына сөзсіз ықпал етеді.
"Өз тарапымыздан Pfizer компаниясы Қазақстан Республикасында орнықтырыланған өнімнің экспорттық әлеуетін дамыту жөніндегі біздің бастамамызды қолдап, оны үшінші елдердің нарықтарына ілгерілетуді қамтамасыз етеді және Орталық Азия мен ТМД елдерінде осындай өндірістердің болмауын қамтамасыз етеді деп үміттенеміз. Біз Pfizer жақын арада біздің елімізде Кавказ, Орталық Азия және Моңғолия елдерін қамтитын жаңа өңірлік офис ашатынын білеміз. Біз бұл қадамды құптаймыз. Өңірлік офис ашумен қатар, Pfizer Қазақстан аумағында өңірдің барлық елдерін дәрілік заттармен және препараттармен қамтамасыз ету үшін логистикалық хаб ұйымдастырады деп үміттенеміз", - деді кездесу барысында Ажар Ғиният.
Өз кезегінде Pfizer өңірлік президенті Патрик ван дер Лоо жобаны іске асыру шеңберінде қабылданған барлық қадамдар үшін қазақстандық тарапқа алғысын білдірді. Ол инновациялық препараттар нарығына қолжетімділікті жеделдету, препараттарды таңбалауға дайындық, "суық тізбекті" жетілдіру бойынша бірлескен жобаларды іске асыру, елдің жетекші ғылыми және білім беру орталықтарымен білім беру бағдарламаларын енгізу бойынша жүргізіліп жатқан жұмыстар туралы айтып берді.
2022 жылдың желтоқсанында Pfizer жаһандық офисі Қазақстанда жергілікті әріптестің базасында Prevenar-20 орналастыру жобасын іске асыруға келіскен болатын.
Осы жылдың ақпан айында Pfizer өңірлік Президенті Өзгүр Язиюрт мырзаның Астана қаласына сапары шеңберінде ҚР Денсаулық сақтау министрлігімен және ҚР Сыртқы істер министрлігімен Prevenar-20 пневмококктық вакцина өндірісін орналастыру жобасын іске асыру бойынша Жол картасына қол қойылды.